Нүүдэлчид нь ямаа, тэмээ, үхэр, морь хонь зэрэг мал аж ахуйгаа түшиглэн амьдарна. Ийм байдлаар тухайн айл хэрэгцээт хүнсний бүтээгдэхүүн болох мах, сүү, ноолуур болон эсгий зэргийг гарган авна. Орлогын хамгийн чухал эх үүсвэр нь ямааны ноолуур юм.

Өнгөрсөн хугацааны цаг агаарын эрс тэс байдлаас шалтгаалан амьжиргааны эх үүсвэрээ алдаж байгаа нь орлогын өөр эх сурвалж олох шаардлагатайг харуулж байна. Аймаг, сум зэрэг засаг захиргааны нэгжийн хувьд төвлөрөлт нь харьцангүй бага бөгөөд нутгийн оршин суугчдын хувьд ажлын байр харьцангүй их. 

Түүнчлэн ITG  нь Istituto Oikos  болон Чехийн хөгжлийн агентлагтай хамтран Монголын уламжлалт гар урлал, эсгий эдлэл, хивс, нэхий эдлэл болон модон сийлбэр зэрэг бүтээгдэхүүнийг үйлдвэрлэн худалдаж байна.

Нүүдэлчид нь ийм байдлаар мал аж ахуйгаас гадна хоёрдогч орлогын эх үүсвэрээр хангагдсан. Үүнээс гадна улс төр болон эдийн засгийн хувьд харилцаагаа өргөжүүлэх өргөн боломжтой.

Говийн “Б” хэсэгт хулан болон хар сүүлт зээрийн хулгайн ан ихсэж байна. Олон Улсын Тахь Групп болон орон нутгийн иргэд мөн Монголын Байгаль орчин Аялал жуулчллын Яамтай хамтран байгаль хамгаалагч нарт ГИДЦГазрыг хэрхэн хамгаалах тухай тогтмол сургалт зохион байгуулж байна.

ГИДЦГазрын “Б” хэсэг нь ашигт малтмалын нөөц ихтэй бүс нутагт оршдог. Монгол улсын тусгай хамгаалалттай газарт ашигт малтмал олборлохыг хориглосон байдаг. Гэвч энэ бүс нутагт хувиараа алт олборлогчид үзэгдэх болсон бөгөөд хоёр ч газар алт олборлолтын зөрчил илэрсэн.

Хамгаалалттай бүс нутгийн хувьд хувиараа алт олборлогчид нь аюул занал учруулж байна. Эргүүлүүдийн тоо бага байгаа нь тэднийг үйлдэл дээр нь барьж авахад хангалтай хүрэлцдэггүй.